Три лица загинаа, а повеќе од 100 се повредени при експлозијата на автомобил-бомба пред полициската станица во источниот турски округ Елазиг, јави турската телевизија „НТВ“.
Според информациите на локалните власти, десетмина од повредените се во критична состојба.
Турските медиуми јавуваат дека Работничката партија на Курдистан стои зад нападот извршен со автомобил-бомба.
Ова е трет напад во последните 12 часа во Турција. Утринава сличен напад беше извршен во провинцијата Ван.
