Тунис: Парламентот му изгласа недоверба на премиерот Хабиб Есид

Тунискиот парламент синоќа со 118 гласа му изгласа недоверба на премиерот Хабиб Есид, кој пред 18 месеци стапи на функција.

Само тројца пратеници гласаа Есид да остане на функцијата, додека 27 беа воздржани.

Владата на Есид се најде на мета на критики поради тоа што не успеа да се справи со економската криза во државата, високата стапка на невработеност, како и поради серијата напади на радикални исламисти.
Притисокот врз Есид се зголеми откако претседателот Бежи Каид Есебси упати критики до владата и предложи формирање влада на национално единство.