Индексот на трошоците на животот во август 2015 година е на исто ниво како и претходниот месец, но е забележано движење во подгрупите, објави Државниот завод за статистика.
Пораст е забележан кај свежиот зеленчук за 2,7 проценти, свежото овошје за 1,7 отсто, сувомесните производи и рибата за 0,6 отсто, сувото овошје и безалкохолните пијалаци за 0,3 отсто, трајните колбасичарски производи, свежото млеко, замрзнатиот зеленчук и кај кондиторските производи за 0,2 отсто.
Исто така, пораст на индексот на трошоците на животот во август 2015 година, во споредба со претходниот месец, е забележан кај авионскиот превоз на патници за 31,4 проценти, цврстите горива и пијалаците во рестораните за 0,8 отсто, исхраната во рестораните за 0,5 отсто, услугите за одржување и за поправки на станот, малите електрични апарати, услугите за лична хигиена, средствата за лична хигиена и кај накитот и часовниците за 0,2 отсто.
Намалување на индексот на трошоците на животот во август 2015 година, во споредба со претходниот месец , е забележано кај јајцата за 1,9 отсто, производите од жито за 1,7 отсто, конзервираните месни производи за 0,8 отсто, другите неспомнати прехранбени производи за 0,5 отсто, шеќерот, џемот, медот, чоколадата и кондиторските производи
за 0,4 отсто, свежото месо и преработките од млеко за 0,2 отсто.
Индексот на трошоците на животот во август 2015 година, во споредба со август 2014 година, бележи пораст од 0,1 отсто, а индексот на цените на мало бележи намалување од 0,8 отсто.