Цената на нафтата и понатаму паѓа поради зголемената понуда и намалувањето на побарувачката.
Русија, наспроти ова, руши рекорди во производство, додека, пак, Ирак бележи невиден извоз.
Сепак, за состојбата со цената на нафтата дополнително силно влијае и одлуката на ОПЕК од ноември минатата година дека нема намера да го намали производството на нафта и дека земјите-членки на оваа организација лесно ќе ги пребродат ниските цени на црното злато.
Американската нафта поевтини на 51,40 долари, што е најниско ниво на цената од мај 2009 година, додека цената на европскиот „брент“ опадна на 55,25 долари за еден барел.
Имајќи ги предвид состојбите на економиите во Кина, Јапонија и во еврозоната, аналитичарите не очекуваат посилен пораст на побарувачката за нафта наскоро.
