Три лица загинале во сообраќајната несреќа што се случи денеска, околу 17 часот, кога автомобил „бе-ем-ве“ излетал од мостот кај Бедиње во Куманово. Според полицијата, возачот не успеал да ја одржи контролата над возилото.
Автомобилот паднал на лентата на меѓународниот автопат Скопје – Белград на правецот кој води кон север. За да го избегне автомобилот, цистерна која се движела по автопатот се превртела и излетала на спротивната автопатска лента.
