Доналд Трамп, кој е во трка за претседателски кандидат на републиканците, изјави дека ќе се заложи за враќање на илјадниците сириски бегалци во нивната земја, доколку биде избран за претседател на САД.
Изјавата на Трамп доаѓа откако Русија соопшти дека нејзините воздухопловни сили почнале да изведуваат напади во Сирија против припадниците на Исламска држава.
Трамп оцени дека интервенцијата би можела да биде благотворна „ако Русија сака да ги нападне и уништи ИД и може да ја стабилизира големата миграција со 200.000 лица кои доаѓаат во САД“. Тој, исто така, оцени дека постои опасност меѓу бегалците да има и припадници на ИД.
