Курдските сили спасиле шведска тинејџерка од Исламска држава во ирачкиот град Мосул, кој е под контрола на екстремистите, соопштија денеска курдските власти.
Регионалната влада навела дека 16-годишната девојка е ослободена на 17 февруари, за време на операциите на курдските антитерористички сили кај Мосул.
Во соопштението се наведува дека девојката е од шведскиот град Борас и оти била „врбувана“ од член на ИД.
Во документот се наведува дека шведските власти и семејството на девојката побарале од регионалните курдски власти да ѝ помогнат. Девојката наскоро ќе биде испратена во Шведска.