fbpx

Тимчо Муцунски во посета на САД: Работна средба со претставници на Стејт департментот

-

Потпретседателот на ВМРО-ДПМНЕ, Тимчо Муцунски престојува во работна посета на Соединетите Американски Држави. Во рамки на посетата тој оствари работна средба со високи претставници на Стејт департментот, информираат од ВМРО-ДПМНЕ.

Тој остварил средба со Стивен Џи, директор во Директоратот за Јужно – Централна Европа и Бенсон Сивек, офицер одговорен за Македонија. Како што велат од ВМРО-ДПМНЕ, на средбата биле потврдени одличните билатерални односи помеѓу нашата држава и САД „кои неопходно е во иднина да продолжат да се надградуваат во духот на стратешкото партнерство помеѓу двете земји“.

Муцунски уште еднаш ја потврдил заложбата на ВМРО-ДПМНЕ за итни и темелни реформи во правосудниот систем, но и забрзан економски развој кои ќе бидат одговор на високото ниво на криминал и корупција и тешката економска состојба во државата.

Во рамки на посетата на САД, Муцунски во следните неколку денови ќе оствари средби со членови на американскиот Конгрес, високи претставници на меѓународните организации и ќе присуствува на Националниот молитвен појадок кој ќе се одржи утре во Вашингтон.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Бислимоски: Изненадување е и за мене дека ЕСМ ќе ја продава струјата за 60 евра за мегават час

Претседателот на Регулаторната комисија за енергетика (РКЕ) Марко Бислимоски изјави дека за него е „изненадување“ дека Електрани на Северна Македонија (ЕСМ), почнувајќи од 1 јули, ќе ја продава струјата...