Петнаесет лица денеска се повредени во тепачка која изби меѓу активисти на две различни партии пред избирачко место во турската провинција Шанљурфа.
Како што јавуваат локалните медиуми, расправијата почнала на избирачкото место, а потоа продолжила надвор од објектот, каде ескалирала во физичка пресметка.
Полицијата соопшти дека при тепачката биле користени палки, камења и ножеви, а некои од активистите имале и пиштоли. Повредените се хоспитализирани, но не се во животна опасност.
Граѓаните на Турција денеска го избираат новиот состав на парламентот.
