Припадници на тајната служба на САД вчера застрелале вооружен маж пред Белата куќа, поради што пристапот кон објектот бил блокиран извесно време, јавуваат светските медиуми.

Од полицијата за „Еј-би-си њуз“ изјавиле дека лицето извадило оружје кај безбедносниот пункт во близина на зградата, поради што било застрелано во стомакот.

Напаѓачот бил пренесен во болница со тешки повреди, соопштиле официјалните служби.

Претседателот Барак Обама за време на инцидентот не бил во Белата куќа, туку играл голф во предградието на Вашингтон.

Американскиот потпретседател Џо Бајден, кој се наоѓал во зградата за време на пукањето, веднаш бил однесен на безбедно место, јавуваат медиумите.