fbpx

Судот ја обврза германската влада да преземе итни мерки против штетните гасови

Климатскиот закон предвидува министерствата итно да реагираат доколку се надмине годишното дозволено количество на емисии на штетни гасови во одреден сектор

-

Германската влада мора да преземе дополнителни итни мерки против емисијата на штетни гасови од возилата и зградите, одлучи германскиот Вишиот управен суд Берлин-Бранденбург, пренесува германската новинска агенција ДПА.

Судот ја донесе одлуката вчера, по жалбите на еколошките здруженија Deutsche Umwelthilfe и BUND. За пресудата е дозволена жалба.

Здруженијата се обратија до судот со тврдење дека надлежните министерства не постапиле соодветно во случаи кога се надминува дозволената количина на гасови.

Климатскиот закон предвидува министерствата итно да реагираат доколку се надмине годишното дозволено количество на емисии на штетни гасови во одреден сектор.

Законот предвидува и до 2030 година количината на гасови да се намали за 65 отсто во однос на емисиите од 1990 година.

Минатата година намалувањето изнесуваше повеќе од 40 отсто.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Агресивен пензионер е снимен во итната служба на Неапол, а не на вакцинален пункт

Видеото од објавата што ја рецензираме не е од центар за вакцинација туку од итната помош во Неапол. Како што информираат проверувачите на факти на на Factcheck.vlaanderen, самата болница...