Студентка на Факултетот за дизајн демантира дека професорката им барала да купат книги за да добијат потпис за редовност

УКИМ
Универзитет „Св. Кирил и Методиј“ (УКИМ), Скопје / фото: Мета.мк

Откако „Мета.мк“ објави за случајот во кој студенти обвинија професорка на Факултетот за дизајн и технологии на мебел и ентериер (ФДТМЕ) на „Универзитетот Св. Кирил и Методиј“ – Скопје дека им барала задолжително купување на книги за да може да им даде потпис за редовност, студентка од овој факултет испрати анонимна порака до нашата редакција за да ги демантира овие наводи.

Студентката што до „Мета.мк“ се обрати преку порака, не го откри својот идентитет, ниту пак кажа колку од нејзините колеги стојат позади нејзината изјава. Покрај тоа што демантира, анонимната студентка побара од нас како медиум да не објавуваме информации за случајот кои со сигурност не се точни или не се кажани од некој што е студент на овој факултет.

„Се објавуваат информации за нашиот факултет, поточно информации дека професорите од нас бараат пари за потписи и оценки, ви пишувам во име на студентите кои сме на овој факултет дека ги демантираме информациите кои го рушат кредибилитетот на нашиот факултет и професорите. Случката е пријавена во инспекција и затоа би ве замолила да не објавувате информации кои не се со сигурност точни и кои можеби не се кажани од некој што е студент на нашиот факултет“, вели студентката во пораката упатена до новинарот на „Мета.мк“.

Студентката додава дека таа полагала предмет кај засегнатата професорка и дека немала купено книга.

„Ја зедов книгата од братучедка ми бидејќи од книгата цртаме програми, ги нацртав и ѝ ја вратив“, вели студентката.

За волја на вистината, Новинската агенција Мета нема објавено непроверени и неточни информации во однос на овој случај. Сите изјави кои се објавени се земени од студенти на овој факултет со име и презиме. Исто така, сите информации кои се спомнати во објавените текстови кои се однесуваат на овој случај се проверени.

„Мета.мк“ објави дека студенти обвинија своја професорка дека за да добијат потпис за редовност ги условувала со купување на книги. Како доказ, студентите доставија принтскрин од порака која професорката им ја испратила на една од апликациите за разменување пораки. Во пораката пишуваше дека за да се регулира редовноста и студентите да добијат потпис, ќе биде потребно да ја купат нејзината книга која чини 990 денари.

По објавата на случајот на „Мета.мк“, студентите нè информираа дека професорката ја променила содржината на оваа порака, па во променетата верзија од пораката пишува „Во ред колеги ќе ја земете книгата како што се договоривме – тоа може да го направите на 17.06.2022, утре“.

Еден ден откако се обелодени случајот, како што посочуваат студентите, професорката не им дозволила да го полагаат закажаниот испит на кој отишле со подготвени макети и цртежи, сѐ додека не откријат кој од нив ја споделил пораката во јавност. Професорката, во разговор со новинарите на „Мета.мк“ најпрво даде изјава за случајот и ги потврди случувањата, но потоа се јави за да ја повлече изјавата. Таа рече дека била вознемирена и испитот го презакажала за друг ден. Исто така, демантираше дека услов за да добијат потпис е да ја купат нејзината книга.

Студенти јавно обвинија професорка дека бара да ја купат нејзината книга ако сакаат потпис за редовност

7 Коментари

  1. Да не се правиме слепи при очи, сите знаеме дека тоа се бара, само што ние како студенти сме безгласна буква и сме неподдржани па мораме да си премолчиме. А и колку информации имаме за студентката што демантирала? Скоро па ич. И мојата тетка пример да е во ваква ситуација и јас ќе демантирам, нели? Или пак можеби само имала среќа :), не можам да судам, но во секој случај ова е секојдневие на факултетите и сигурен сум дека на ниеден студент не му одговара.

  2. Срамота е што студенти колеги кои секогаш треба да бидат од иста страна борејќи се наспроти вакви неправдини, поради “исперен мозок” дека далеку ќе стигнат со улизување и стварање “конекции” со професори ги погазуваат сите вредности и морали кои се приказ на што значи да бидеш млад човек студент како дел од образовниот систем. Од такви неоформени нелуѓе персони никаде нема да не биде. Вистината секогаш ќе ја има мојата поддршка, младите секогаш треба да се изборат за своите права и место во општеството како еднакви и искрени индивидуи. Не плашете се ниту од примитивни колеги ниту од покварени професори. Вистината е помоќна од се.

  3. Значи да не се лажеме, на многу факултети дел, односно половина услов за потпис е купување на книга, половина е самото присуство. Да не се разбереме погрешно, многу професори не бараат книги, но ги има и оние кои бараат. Јас сум студент на тој факултет, не знам за овој случај бидејќи сум постара генерација, но ни се случило и нас еднаш-два пати да се најдеме во оваа ситуација,но не кај пофесорката. Ние не се буневме бидејки бевме млади и неискусни, и го почитувавме авторитетот на професорот. Ги замолувам сите студенти да не се плашат, и да се борат за своите права, но прво информирајте се добро. Само така ке го подобриме образовниот систем. Ако нема студенти нема систем. 😉

  4. Ако не го има ова професорката сама напишано јас глата ќе си ја сечам.

  5. Jas bev studentka na ovoj fakultet.Profesorkata ist uslov ni imase dadeno. Prvo i posociv nea deka ne e vo red, po sto ne midade pravo da polagam.prenesov do studentska sluzba.istata profesorka me butkase za 1 poen iako i ja kupiv knigata.poradi nea se otpisav od fakultetot.se zapisav na shumarski i top mie nema vakvi profiteri

Напишете коментар

Внесете го вашиот коментар
Please enter your name here