Nëse në Kuvend miratohet Ligji për ndalimin e publikimit të “bombave, LSDM-ja do të braktis bisedimet mëson “Meta”, nga burime të procesit të bisedimeve.

Momentalisht gupet e punës të partive politike që negociojnë janë në pauzë, kurse ndërmjetësuesi Piter van Hojt, ambasadori i ShBA-së, Xhes Bejli dhe shefi i Misionit të BE-së në Shkup, Aivo Orac, zhvillojnë takime bilaterale me partitë politike që t’i qetësojnë “gjakrat”. Mësojmë se tani për tani asnjë çështje nuk ka lëvizur nga pika zero. Pritet që bisedimet të jenë të vështira, të mundimshme dhe të zgjasin deri në orët e hershme të mëngjesit.

Gjithashtu mësojmë se Bashkimi Evropian, ka përpiluar plan- ligj për rregullat zgjedhore, të cilat duhet sonte të shqyrtohen në takimin e grupeve të punës.