Sekretari i Lidhjes SocialDemokrate të Maqedonisë (LSDM), Oliver Spasovski sot në Shkup dorëzon iniciativën për vazhdimin e seancës konstituive në Kuvend, në të cilën duhet të zgjidhet kryetari i ri i shtëpisë legjislative.
“Me këtë nismë nuk ka më dilema rreth sigurimit të shumicës parlamentare. Nisma është nënshkruar nga 67 deputetë dhe presim Trajko Veljanovski menjëherë të caktoj vazhdimin e seancës konstituive të Kuvendit që të mund të funksionoj në interes të qytetarëve”, tha Spasovski.
Ai tha se hapi i parë do të jetë emërimi i kryetarit të Kuvendit dhe se më pas nga LSDM presin presidenti Gjorgje Ivanov t’ia dorëzoj mandatin për formimin e Qeverisë liderit të tyre, Zoran Zaev.
Spasovski theksoi se pret të thirret seanca koordinuese me të gjitha partitë politike për t’i shqyrtuar opsionet për kandidat për kryetar Kuvendi.
“Seanca konstuive ka filluar dhe nuk ka afat për vazhdimin e saj. Ajo mund të thirret menjëherë dhe presim Veljanovski menjëherë ta bëjë këtë”, tha më tej Spasovski.
Ai shtoi se LSDM ende nuk ka zgjedhur koordinator në grupin e vet të deputetëve.
