Qeveria e Maqedonisë së Veriut, në seancën e djeshme e ngarkoi sekretariatin e përgjithshëm që brenda 10 ditëve të publikojë procedurë për prokurim publik për të përgatitur analizë të propozimit për rrugë alternative përgjatë Korridorit 8 që tashmë është propozuar nga Misioni i Reagimit i UNESCO-s në vitin 2017, kanë informuar nga pres-shërbimi i qeverisë, njofton Meta.mk.

UNESCO kritikoi ashpër trasenë ekzistuese të lidhjes hekurudhore midis Maqedonisë dhe Shqipërisë në pjesën nga Struga përmes Radozhdës deri në qytetin kufitar në Shqipëri Lin. Nëse ndërtohet në trasenë ekzistuese, UNESCO konsideron se hekurudha përgjatë bregut të Liqenit të Ohrit do të ketë ndikim mbi vlerën e jashtëzakonshme të liqenit.

Në vend të trasesë ekzistuese, UNESCO ka dhënë propozim të drejtpërdrejt eksplicit për ndërtimin e një tuneli alternative nga Struga deri në Prenjas nën malin e Jabllanicës. Qeveria për “Meta.mk” tashmë ka theksuar projektimi i serishëm i hekurudhës Kërçovë-Lin do ta rrisë çmimin aktual për ndërtimin e lidhjes hekurudhore midis dy vendeve për më shumë se 100 milionë euro.

Pavarësisht shpenzimet e mëdha dhe koha që do të duhet për realizim, qeveria ka vendosur të përgatisë një analizë se sa do të kushtojë saktë ndërtimi i trasesë alternative midis Strugës dhe Prenjasit. Në këtë mënyrë, do të përmbushet një nga rekomandimet nga UNESCO, ku kritika e misionit reaktiv në lidhje me rrezikun për Liqenin e Ohrit nga ky projekt ka qenë më i ashpri.

Siç informojnë nga shërbimi për shtyp i Qeverisë, në seancën e djeshme është shqyrtuar dhe është miratuar informacioni mbi nivelin e zbatimit të rekomandimeve të misionit reaktiv të UNESCO-s 2017, vendimet e Komitetit për trashëgimi botërore të UNESCO-s (Krakov, 2017 dhe Baku, 2019). ) dhe konkluzionet relevante të autoriteteve ekzekutive përkatëse për gjendjen e trashëgimisë natyrore dhe kulturore në rajonin e Ohrit. Qeveria e ka riafirmua angazhimin për të ruajtur statusin e trashëgimisë botërore kulturore dhe natyrore të UNESCO-s në rajonin e Ohrit.

Qeveria ka ngarkuar me detyrë zyrën e kryeministrit që, në bashkëpunim me Komisionin Kombëtar të UNESCO-s, të koordinojë punët dhe programin për misionin reaktiv të UNESCO-s të planifikuar për në fund të janarit 2020, si dhe përgatitjen e raportit të progresit.

Më së voni deri më 13 dhjetor, të gjitha institucionet relevante shtetërore duhet të japin informacion të azhurnuar dhe gjithëpërfshirës për nivelin e zbatimit të rekomandimeve nga UNESCO, të cilat do të jenë pjesë e raportit të progresit në UNESCO më së voni deri më 31 janar 2020.

Në të njëjtën kohë, në konkluzionet e Qeverisë për këtë çështje është edhe rekomandimi për komunat Debarcë, Ohër dhe Strugë që të intensifikojnë proceset dhe aktivitetet për të përmbushur rekomandimet e UNESCO-s, dhe t’i pranojnë përfaqësuesit e UNESCO-s në kuadër të misionit reaktiv për vitin 2020.

Qeveria kërkoi që deri të premten institucionet të tregojnë sa janë realizuar rekomandimet e UNESKO-s

Në seancën 169-të të Qeverisë së Maqedonisë së Veriut, u diskutua edhe për rekomandimet e UNESKO-s në lidhje me ndërtimet pa leje në rajonin e Ohrit, transmeton Portalb.mk.

“Në konkluzionet e Qeverisë rreth kësaj çështje është edhe rekomandimi për komunat Debërcë, Ohër dhe Strugë të intensifikohen proceset dhe aktivitetet me qëllim të plotësimit të rekomandimeve të UNESKO-s dhe t’i pranojnë përfaqësuesit e UNESKO-s në pajtim me Misionin reaktiv për vitin 2020”, theksojnë nga Qeveria e RMV-së.

Qeveria theksoi nevojën që të punojnë gjithë institucionet shtetërore kompetente që rajoni i Ohrit të ruan statusin e UNESKO-s për trashëgimi botërore kulturore dhe natyrore.

Qeveria i angazhoi këto institucione që deri të premten të dorëzojnë informacionin për shkallën e realizimit të rekomandimeve të UNESKO-s.

Përndryshe, verës Komuna e Ohrit publikoi të dhëna se ka 1,076 ndërtime pa leje, nga të cilat 409 janë në zonën e mbrojtur. Pak ditë më vonë, kryetari i komunës së Ohrit Konstantin Georgievski tha se UNESCO nuk kërkon të prishë të gjitha ndërtimet e paligjshme, por të bëjë një vlerësim se si ato ndikojnë në zonën e mbrojtur dhe që sipas tij, një duzinë objekte do të duhet të shkatërrohen. Ai pastaj tha se komuna nuk mund të merret vetë dhe kërkoi ndihmë nga shteti.