Grupet e punës sot do të takohen vetëm nëse në takimet dypalëshe të përfaqësuesve ndërkombëtarë ka përparim për çështjet kontestuese rreth kodit zgjedhor, mëson “Meta” nga burimet e grupeve të punës.
Pasdite pritet partitë të kenë takime dypalëshe me përfaqësuesit e komunitetit ndërkombëtar ndërsa varësisht nga rezultatet e takimit, është e mundshme që vonë pasdite të caktohet takim i grupit të punës.
Siç paralajmëruan dje anëtarët e opozitës, sot pritet të huaj të dorëzojnë version të gatshëm të kodit zgjedhor ndërsa partitë të prononcohen.
Edhe pse nga partitë njoftojnë se shumica e çështjeve janë mbyllur, ata edhe më tej janë larg arritjes së marrëveshjes rreth çështjes së Diasporës dhe rreth mënyrës së votimit të KSHZ-së.
Tani për tani është arritur pajtim që KSHZ të ketë kompetenca më të mëdha, opinion në vendimmarrje ndërsa procedura ankimore të shkojnë në Gjykatën administrative.
Nga opozita njoftojnë se lista zgjedhore do të pastrohet tërësisht në terren ndërsa në mënyrë shtesë do të shqyrtohet edhe me kombinimin e bazave të të dhënave nga institucionet. Prej atje thonë se komuniteti ndërkombëtar ka kërkuar nëse nuk ka marrëveshje për votimin e Diasporës, vetëm për këto zgjedhje ajo të hiqet nga votimi.
