KE nuk dëshiron të komentoj nëse do të përfshihet në mënyrë edhe më aktive në zgjidhjen e udhëkryqit të ri në të cilin janë futur bisedimet për kodin zgjedhor e as nëse planifikon vizitë të përfaqësuesve të lartë apo të euro- komisarit Johanes Han në Maqedoni.
Zëdhënësja e euro- komisarit Han, Maja Kocijançiq në pyetjen e gazetarëve përsëriti deklaratën e djeshme, më pas duke theksuar se liderët politik duhet sa më shpejt të arrijnë marrëveshje.
“Ndjejmë keqardhje që partitë nuk kanë arritur t’i finalizojnë reformat zgjedhore edhe krahas përparimit të bërë në takimin e grupit të punës. Ju bëjmë thirrje liderëve të katër partive politike që të arrijnë marrëveshje sa më shpejtë, mundësisht edhe sot. Siç e dini, po afrohet data e zgjedhjeve. Ky ligj duhet të miratohet dhe të filloj zbatimi i tij” tha Kocijaçniq.
