fbpx

Спасовски побара од Собранието да ја разреши министерката Мизрахи

-

Техничкиот премиер Оливер Спасовски побара од пратениците во Собранието да ја разрешат техничката министерка за труд и социјална политика Рашела Мизрахи, информираат од владата. Предлогот на премиерот утрово бил доставен до собраниските служби и истиот треба да биде ставен на дневен ред на следната седница.

– За сѐ може да има компромис, но, за непочитување на Уставот нема компромиси. Ако опозицијата мисли дека ситнопартиски интереси се поважни од иднината на државата, се лаже – изјави премиерот Спасовски.

Причина за доставениот предлог за разрешување на техничката министерка Мизрахи е нејзиното одбивање да ја постави таблата со новото уставно име „Република Северна Македонија“ за време на прес – конференциите што ги држи во седиштето на Министерството за труд и социјална политика.

Министерот за надворешни работи Никола Димитров веќе посочи за пристигнатата вербална нота од Грција поради користењето на таблата на Министерството за труд и социјална политика, на која е испишано старото име „Република Македонија“. Поради фактот што станува збор за државна институција, со користењето на старата табла не се почитува Договорот од Преспа од страна на Министерството за труд и социјална политика.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(ВИДЕО) Денот на Општина Тетово се одбележа со отпадоци и со депонии

Денес се одбележа денот на Општина Тетово, а повеќе од една недела градот се гуши во отпадоци и депонии расфрлани насекаде. Решение за овој проблем немаат ниту општинските власти,...