Времето денеска ќе биде сончево со мала до умерена облачност и со умерен северен ветер. Во текот на денот ќе дува ветер од северозападен правец. Во северозападниот дел од земјава ќе има услови за локален и краткотраен дожд и снег на повисоките планини.
Минималната температура ќе се движи од минус 10 до минус 2 Целзиусови степени, а дневната од 3 до 10 степени.
Во Скопје се очекува слично време со температура до 9 Целзиусови степени.
Утрово најстудено е во Берово, каде што се измерени минус 16 Целзиусови степени, во Крива Паланка минус 11, Лазарополе и Маврово минус 10, Крушево минус 9, Битола минус 8, Прилеп, минус 7, Тополчани, Претор, Пожаране, Виница, Демир Капија и во Штип минус 6, во Струмица, Дебар, Куманово, Ѓуриште и Охрид, во Скопје минус 5 и во Гевгелија и Дојран минус 1 Целзиусов степен.
Нови врнежи од снег нема, а формираната снежна покривка се движи од еден сантиметар во Пожаране, три во Штип и во Крива Паланка, четири во Лазарополе, шест во Битола и в Крушево, девет во Демир Капија, 10 во Ѓуриште, Тополчани, Берово и 22 сантиметри во Маврово.
Во наредните денови следува период на претежно стабилно време со ниска утринска температура, која ќе се спушти и под минус 8 Целзиусови степени.
