Собранието на Република Македонија денеска треба да ја продолжи 67. седница на која има повеќе законски решенија во прво читање. Пратениците треба да ги разгледаат измените и дополнувањата на Законот за катастар на недвижности, на Законот за процена, на Законот за медијација, на Законот за вештачење, на Законот за Академијата за судии и јавни обвинители.
На дневен ред се и измените и дополнувањата на Законот за постапување по претставки и предлози, на Законот за електронско управување, на Законот за електронските комуникации, на Законот за воведување систем за управување со квалитетот и заедничката рамка за процена на работењето и давањето на услуги во државната служба, на Законот за инспекциски надзор, на Законот за управната инспекција, на Законот за ловството, на Законот за рибарство и аквакултура, сите во прво читање.
На седницата треба да се расправа и по предлог-законот за извршување на буџетот на Република Македонија за 2016 година, по скратена постапка, како и по неколку законски решенија поднесени од пратениците од опозициските партии.
