Собранието на Република Македонија денеска ќе ја продолжи 71. седница, на чиј дневен ред се повеќе точки.
Пред пратениците денеска се предлог-закони за финансиско задложување на државата, за реализација на проекти од гасната и од патната инфраструктура, како и изменување на закони по скратена постапка.
На дневен ред на Собранието, меѓу другите точки, се и измените на Законот за задолжителни нафтени резерви, изменување на Законот за персоналниот данок на доход, по скратена постапка, Законот за платниот промет, изменување и дополнување на Законот за рамномерен регионален развој, предлог-закон за занаетчиство, предлог-закон за дополнување на Законот за концесии и јавно-приватно партнерство, предлог-закон за дополнување на Законот за енергетика, предлог-закон за изменување и за дополнување на Законот за земјоделското земјиште, предлог-закон за изменување на Законот за пасиштата, предлог-закон за дополнување на Законот за одбрана.
