Точно во 18 часот, граѓаните ја блокираа улицата пред Специјалното јавно обвинителство и го почнаа денешниот протест против одлуката на претседателот Ѓорге Иванов да помилува 56 политичари од судски процеси.
Демонстрантите, кои во сè поголем број се собираат пред СЈО, носат транспаренти со ликот на обвинителката на СЈО, Фатиме Фетаи, на кои пишува „Но пасаран“, со кои алудираат на нејзиниот одговор за аболицијата од Иванов.
Граѓаните извикуваат „Оставка, оставка“, „Нема правда, нема мир“ и „Никола на робија“.
Од пред СЈО демонстрантите протестот ќе го продолжат пред Собранието на Република Македонија.
