Индискиот суд им изрече смртна казна на пет лица одговорни за серија напади врз возови во предградие на Мумбај од 11 јули 2006 година, во кои загинаа 189 лица.
Како што јавуваат локалните медиуми, уште седум лица се осудени на доживотен затвор за вмешаност во нападите. Дванаесетте лица се прогласени за виновни за убиства, заговор и за воени злосторства.
Индиските власти трагаат по уште 18 лица вмешани во нападите, кои сè уште се во бегство.