Надлежните институции ја замрзнаа сметката на Макпетрол, пишува „24 вести“. Информацијата за овој медиум, ја потврдиле и од компанијата.
Министерството за внатрешни работи поднесе кривична пријава против 21 лице поради незаконско прелевање капитал од акционерското друштво „Макпетрол“ во Командитното друштво со акции „Оилко“.
Десетте членови на управниот одбор, осумте членови на надзорниот, како и тројца одговорни во Централниот регистар, Централниот депозитар за хартии од вредност и во Комисијата за хартии од вредност МВР ги товари за „злоупотреба на службена положба и овластување“.