Сириските државни сили денеска ги потиснаа бунтовничките борци од половина од окрузите во Алепо, кој досега беше под контрола на опозициските сили, соопшти Сириската опсерваторија за човекови права.
Алепо е главно упориште на сириските опозициски сили, а борби во моментов се водат во станбениот округ Бустан ал Баш, во близина на центарот на градот.
Градот со години е поделен на подрачја кои се под контрола на државата и на бунтовничките сили.
Сириската војска потврди во соопштение дека нејзините сили напредувале во Бустан ал Баши.
Бунтовниците засега не даваат коментар.
