Поради средба со раководството на британската разузнавачка агенција МИ6, шефот на тајната служба на Руанда, генерал Карензи Караке, допатувал во Велика Британија по што минатиот викенд беше уапсен во Лондон, откриваат лондонските медиуми.
Средбата била закажана за 18 јуни, но во последен момент била откажана. Два дена подоцна, Караке беше уапсен на лондонскиот аеродром „Хитроу“.
Некогашниот воен генерал во својата земја и подоцна командант на дел од меѓународните мировни сили во Дарфур, во Западен Судан, сега раководи со разузнавачката служба на Руанда.
Еден шански суд, за него има распишано меѓународна потерница и налог за апсење, затоа што е обвинет дека наредил извршување масакр врз цивили, во текот на граѓанската војна во оваа источноафриканска земја во 1994 година. Станува збор за времето кога во Руанда беше спроведен геноцид врз етничката заедница Тутси, што го извршија припадниците на заедницата Хути.
Шпанскиот суд го обвинува Караке и за ликвидацијата на тројца лекари хуманитарци од Шпанија.