Пратениците од опозицијата не присуствуваа на седница на Комисијата за политички систем, на која требаше да се разгледува извештајот на специјалната јавна обивнителка, Катица Јанева, и денеска таа четврти пат беше одложена.
Претседателот на комисијата, Влатко Ѓорчев, повторно кажа дека Јанева не го почитува Уставот и праша како специјалната обвинителка е легитимна ако доставува извештај до, според неа, нелегитимното Собрание и е избрана од нелегитимниот Совет на обвинители.
Пратениците од опозицијата претходно на прес-конференција најавија дека немаат намера да присуствуваат на седницата.
Пратеничката група на ВМРО-ДПМНЕ вчера на прес-конференција ја обвини Јанева дека го урива суверенитетот на државата и побараа од неа јавно да се извини за изјавата, во која таа го оспори легитимитетот на претседателот на државата, уставните судии и на пратениците во Собранието.
