Во Собранието на Република Македонија денеска седница ќе одржи Парламентарниот комитет на Парламентарната димензија на Централноевропската иницијатива (ЦЕИ) на тема „Релевантноста на макрорегионалните стратегии на ЕУ како можност за прекугранична соработка меѓу земјите-членки на ЦЕИ: Улогата на парламентите“.
Воведни обраќања на седницата ќе имаат Александар Николоски, шеф на македонската делегација во ПД на ЦЕИ, претседателот на Собранието, Трајко Вељаноски, вицепремиерот за економски прашања, Владимир Пешевски, и заменик-генералниот секретар на ЦЕИ, Ерик Церновиц.
Во работниот дел од седницата ќе говорат заменик-министерот за надворешни работи, Драгана Кипријановска, и потпретседателот на Собранието и претседател на собраниската Комисија за надворешни работи, Антонио Милошоски, по што ќе следи дебата и усвојување на завршна декларација.
