Бројот на туристите во февруари 2016 година изнесува 32.467, а бројот на ноќевања e 72.385. Во однос на истиот месец лани, бројот на туристите е зголемен за 9,2 отсто, а бројот на ноќевањата е зголемен за 16,2 отсто, објави Државниот завод за статистика.
Бројот на домашните туристи во февруари 2016 година, во однос на истиот месец лани, е зголемен за 17,6 отсто, а бројот на странските туристи е зголемен за 4,9 отсто.
Бројот на ноќевањата на домашните туристи за истиот период е зголемен за 19,8 отсто, а бројот на ноќевањата на странските туристи е зголемен за 13,9 отсто.
Во првите два месеци годинава во однос на истиот период од претходната година, бројот на туристите е зголемен за 12,9 отсто и тоа кај домашните туристи има зголемување за 16 отсто, а кај странските има зголемување за 11 отсто.
Во периодот јануари-февруари 2016 година, во однос на истиот период лани, бројот на ноќевањата е зголемен за 18,2 отсто и тоа кај домашните туристи има зголемување за 24,2 отсто, а кај странските има зголемување за 13,8 отсто.