fbpx

СДСМ со закон ќе ја пополнува дупката на Уставниот суд во Законот за помилување

-

Пратеничката група на СДСМ денеска до Собранието ќе поднесе предлог-закон за дополнување на Законот за помилување, со кој, како што велат од опозициската партија, ќе се пополни правната празнина што ја создаде Уставниот суд со одлуката да му се овозможи на претседателот на државата да помилува лица осудени или кои кривично се гонат за изборни измами, тероризам, педофилија и за трговија со дрога.

Со предлог-законот, меѓу другото, се предвидува едно лице да не може да биде помилувано за повеќе кривични дела.

– Срамната одлука на Уставниот суд за укинување на делови од Законот за помилување создава правна празнина која може да ги охрабри потенцијалните сторители на најтешките кривични дела, како што се терористи, педофили, наркодилери, фалсификатори на избори, криминалци од врвот на власта. Срамната одлука на Уставниот суд воедно е и признание за изборниот грабеж и за длабоката поврзаност со криминалот и со корупцијата на ВМРО-ДПМНЕ. Со овој предлог-закон ја пополнуваме правната празнина што ја создаде Уставниот суд и предвидуваме правила кои ќе ги обесхрабрат терористите и другите потенцијални сторители на кривични дела. Исто така, оневозможуваме едно лице да биде помилувано за повеќе кривични дела. Воедно, злосторничкото здружение од врвот на ВМРО-ДПМНЕ мора да одговара и ќе одговара – изјави денеска координаторот на пратеничката група на СДСМ, Горан Сугарески.

Сугарски изрази надеж дека пратениците на ВМРО-ДПМНЕ и на ДУИ ќе го поддржат законот, а секоја спротивна одлука, како што рече, ќе биде нивно директно признавање на криминалот на власта.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Шолц ги отфрли обвинувањата на Макрон: Испраќањето војници во Украина не е опција

Германскиот канцелар Олаф Шолц категорично ја отфрли можноста за испраќање копнени трупи на земјите од НАТО да се борат во Украина, пренесе германската агенција ДПА. Оваа можност претходно ја...