„Во недостиг од некаков сериозен проект за справување со рекордната невработеност и со сиромаштија во Прилеп, Никола Груевски денеска, пред прилепчани зборуваше за прогресот во изградбата на автопатите Кичево – Охрид и Скопје – Штип“, реагираат од општинската организација на СДСМ во Прилеп на денешната посета на премиерот.
„Граѓаните не забораваат и сè уште чекаат одговори од Никола Груевски за корупцијата во тендерите за изградбата на патишта и за провизијата од 25 милиони евра, спомената во аудиоснимките и доказите што ги објави СДСМ. Прилепчани се целосно свесни за криминалното владеење на Владата на ВМРО- ДПМНЕ и на Никола Груевски. Токму затоа ваквите популистички посети на премиерот во заминување, поминуваат тивко, во мачна атмосфера и без поддршка од граѓаните“, стои во писмената реакција на прилепските социјалдемократи.