Руското министерство за одбрана денеска соопшти дека авиони „сухој-34“ уништиле команден центар на Исламска држава и центар за обука на бунтовниците во Сирија, јавија руските медиуми.
Руските сили погодиле вкупно 12 цели што ги држи ИД.
Портпаролот на министерството додаде дека во нападите целосно е уништена инфраструктурата во сириското подрачје во кое се обучувале „терористи“ кај Алепо и кај Идбило.
Уништен е командниот центар на ИД во покраината Хами.
Американските власти се сомневаат дека Русија во Сирија испратила најмалку четири најнови бомбардери „сухој-34 фулбек“ во Тартус. Овие авиони можат прецизно да бомбардираат од висина поголема од н5.000 метри, што ги прави неранливи за противвоздушната одбрана на сите завојувани страни во Сирија, освен силите кои се борат на страна на Башар ал Асад.
Авионите можат да носат бомби и до осум тона, имаат два пилота и максималниот долет им е 4.000 километри.
