Руски борбени авиони денеска бомбардирале подрачје во Западна Сирија, а силна експлозија го потресла упориштето на Исламска држава на северот на земјата, соопшти Сириската опсерваторија за човекови права.
Авионите гаѓале подрачје во провинцијата Латакија, како и во провинцијата Хама. Засега нема информации за жртви.
Сириската државна телевизија јави дека во нападите на владините сили убиени се голем број терористи.
Опсерваторијата соопшти дека силна експлозија потресла зградата во градот Баб, на северот на Сирија, која е под контрола на Исламска држава. Засега не е позна причината за експлозијата.
