Работник по потекло од Република Албанија, загина вчера од струен удар, при возобновата на конаците во манастирот „Света Богородица Захумска“ , на брегот на Охридско Езеро, кај Љубаништа.
Несреќниот настан се случил околу 14.15 часот, кога работникот изведувал работи на електричната инсталација кај орманчето за напојување со електрична енергија.
Во еден момент била допрена една од фазите на електричната инсталација.
На местото на настанот пристигнала екипа на Брза помош, која пружила прва помош и транспорт до Општата болница Охрид, но работникот починал по пат.
