fbpx

Протести во Франција по убиството на 17-годишно момче од полицијата

Протестантите запалија возила и општински згради и фрлаа пиротехнички средства врз полицијата во градовите и предградијата околу Париз, а нереди се регистрирани и во Тулуз, Лион и други делови од северна и југозападна Франција

-

Над 150 лица се уапсени на вчерашните протести против полициската бруталност во Франција, при што тамошното Министерство за внатрешни работи тврди дека тие прераснале во насилство со напади и уништување на општински згради, школи и полициски станици, јавува Гардијан. Причина за протестите е убиството на 17 годишно момче од страна на полициски службеници при рутинска сообраќајна контрола.

Протестантите запалија возила и општински згради и фрлаа пиротехнички средства врз полицијата во градовите и предградијата околу Париз, а нереди се регистрирани и во Тулуз, Лион и други делови од северна и југозападна Франција.

Францускиот претседател Емануел Макрон го опиша убиството на момчето како необјасниво и неоправдано, при што еден полицаец се наоѓа под истрага за убиството.

Полициски службеник пукал во возилото кое било управувано од 17-годишно момче, откако тој одбил да застане при рутинска сообраќајна контрола и продолжил да вози со автомобил. Момчето било со потекло од северна Африка, што пак во француската јавност повторно го поставува прашањето за длабоко вкоренетата перцепција за полициска бруталност кон лицата кои имаат поинакво етничко потекло во големите француски градови.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Пешаци претрчуваат преку булевар „Србија“ кај зградите на Џевахир, ЦУК бара пешачки премин

Центарот за управување со кризи покрена иницијатива до Градот Скопје да се направи пешачки премин или кружен тек на булеварот „Србија“, кај зградите на Џевахир, за да се спречат...