Времето денеска е променливо облачно со интензивни врнежи од снег. До крајот на денот нè очекува претежно облачно и студено време, со повремени врнежи од дожд, особено во западните и во јужните делови од земјава, а во крајниот југоисточен дел врнежите ќе бидат од дожд и од снег.
Температурата ќе се движи од минимални минус 6 Целзиусови степени до максимални 5 степени.
Во Скопје се очекува слично време со врнежи од снег во текот на целиот ден. Највисоката дневна температура ќе се искачи до 3 Целзиусови степени.
Утрово најниска температура беше измерена во Маврово, минус 8 Целзиусови степени, минус 5 беа измерени во Крушево, а во Лазарополе и во Берово минус 4 степени.
Највисока снежна покривка има во Лазарополе, 71 сантиметар, 64 сантиметри е висока снежната покривка во Маврово, а 41 сантиметар во Пожаране.