Прилепската полиција поднела кривична пријава против З.З. (35), жител на градот, кој се товари дека на почетокот на овој месец натепал шумски полицаец.
Според полициските информации, инцидентот се случил на 6 јуни, пред амбулантата во Прилеп.
Осомничениот го нападнал лицето, удирајќи го по главата и по телото, а откако го соборил на земја, продолжил да го тепа.
Причина за нападот, според полциијата, било тоа што шумскиот полицаец му поднел пријава на З.З. за кражба на дрва.
Против прилепчанецот е поднесена пријава со која се товари за кривичното дело насилство.
