Пратениците денеска ќе расправаат за неколку закони по скратена постапка

Претседателот на Собранието Трајко Вељаноски денеска свика уште една седница на која треба да се расправа за шест закони. Подносители на сите закони се координаторите на ВМРО-ДПМНЕ и ДУИ, Илија Димовски и Талат Џафери. Предвидено е за сите предлог-закони да се расправа по скратена постапка. Иницијативата на СДСМ за автентично толкување на членот 11 од Законот за помилување не е ставена на дневен ред иако од СДСМ тврдат дека уште вчера ја доставиле.

Седницата треба да започне во 14 часот, а пратениците ќе треба да расправаат за:

1. Предлог на закон за дополнување на Законот за помилување
2. Предлог на закон за заштита на приватноста, по скратена постапка
3. Предлог на закон за дополнување на Законот за заштита на личните податоци
4. Предлог на закон за изменување на Изборниот законик
5. Предлог на закон за изменување и дополнување на Законот за управните спорови
6. Предлог на закон за изменување и дополнување на Законот за општата управна постапка, по скратена постапка