fbpx

Поради вработена со температура, одложен приемот на деца во Клонот 1 на градинката во Свети Николе

-

Вратите на Клонот 1, на градинката „Рахилка Гонева“ од Свети Николе денеска останаа затворени за најавените 110 деца од превентивни причини. Имено, изминатиот викенд негователка во овој објект на градинката, пројавила симптоми на ковид-19. Вработената деновиве била на работа, во подготовка на градинката за прием на деца.

Во согласност со протоколот за работа на градинките и по меѓуинституционални консултации, одлучено е денеска да почне со работа само реновираниот Клон 2, кој згрижи 44 деца, соопштија од Општинат Свети Николе.

– Додека не добиеме официјални резултати од тестирањето на вработената и епидемиолошка слика за нејзините контакти, овој објект нема да го пуштиме во функција – изјави Сашо Велковски, градоначалник на Свети Николе.

Од раководството на градинката изразија разочараност и поради фактот дека со месеци очекуваа отворање на градинките, меѓутоа, според нив, подобро да се одложи згрижувањето на децата за некој ден, бидејќи најважно е здравјето на децата, нивните родители и вработените.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Уставниот суд поведе постапка за уставноста на измените на Законот за облигациони односи

Уставниот суд денеска одлучи да поведе постапка за член 2 и член 4 од Законот за изменување и дополнување на Законот за облигационите односи. Изгласано е времено запирање од...