Во изминатите неколку дена, полицијата во седум одвоени случаи открила деветмина македонски државјани, осомничени за шверц на илегални мигранти, соопшти МВР.
Против сите деветмина биле поднесени кривични пријави за илегален транспорт на мигранти, а судија на претходна постапка на седум од нив им одредил мерка притвор од осум, односно 30 дена.
При реализацијата на случаите, полицијата затекнала вкупно 43 илегални мигранти, од кои 40 биле од Сирија, еден од Авганистан и двајца од Пакистан.
Мигрантите биле сместени во Прифатниот центар за странци во Скопје.
