По три недели од изработката и oд дистрибуцијата на електронските здравствени картички во подрачните служби, досега биле подигнати 33.154 електронски здравствени картички од вкупно изработени 106.541, за лицата кои имаа поднесено барање и уплатено, а ги немаа добиено картичките.
– Во оваа пригода ги повикуваме граѓаните кои не си ги подигнале картичките да дојдат и да си ги подигнат во подрачните служби, при што можат веднаш да направат и активирање на новите картички или тоа да го направат кај својот матичен лекар. При првата употреба на електронска здравствена картичка кај матичниот лекар, осигуреникот внесува пин за понатамошно користење и за заштита на електронската здравствена картичка – соопштуваат од ФЗОМ.
