Корпорација „Вајо“ (Vaio) на пазарот го претстави својот прв паметен телефон „вајо фон“ (Vaio Phone).
Новиот уред, поседува процесор квад-кор на 1,2 гигахерци, работна меморија од два гигабајти, петинчен екран со резолуција од 720p и оперативен систем „андроид лолипоп“.
Дебелината на паметниот телефон изнесува 7,95 милиметри, поседува задна камера од 13 и предна од 5 мегапиксели, како и батерија од 2.500 милиампери-часови. Уредот, кој поддржува и 4G мрежа ќе се продава по цена од 390 евра. Засега не се знае дали овој паметен телефон ќе се појави надвор од азискиот пазар.
Ова е прв паметен телефон „вајо“, откако „Џапен индустриал партнерс“ (Japan industrial partners) ја купи „Вајо“ од „Сони“.
