Скопскиот маратон е откажан поради вчерашните случувања во Куманово. Организаторите на маратонот велат дека информацијата за откажувањето ја добиле од медиумите, без да бидат инфромирани од коорганизаторот Град Скопје, Агенцијата за млади и спорт, и Министерството за внатрешни работи. Тие се обидуваат да добијат повеќе информации за одлуката, а наскоро ќе излезат и со соопштение на нивната интернет-страница, како и на страниците на социјалните мрежи „Фејсбук“ и „Твитер“.
Од МВР потврдија дека маратонот е откажан поради загинатите полицајци во Куманово, но за повеќе детали за маратонот упатија кон Град Скопје.
Од службата за односи со јавноста на Град Скопје засега нема пристигнато допис за откажување на маратонот ниту, пак, беа достапни за каква било информација.
