Евроамбасадорот Аиво Орав денеска порача дека мора да се почитува правото на демонстрации, но оти тие мора да бидат мирни.
„ЕУ се залага за слобода на изразување и за мирни демонстрации. Државата е обврзана да ги почитува, заштитува и да ги промовира правата на слобода на размислување и на изразување“, напиша Орав на „Твитер“.
EU stands for freedom of expression&peaceful demonstration. 1/1
— EU Ambassador (@AmbassadorEU) April 14, 2016
States have an obligation to respect, protect and promote the rights to freedom of opinion and expression. 2/2
— EU Ambassador (@AmbassadorEU) April 14, 2016
Реакцијата на евроамбасадорот доаѓа по синоќешните демонстрации, кои ескалираа со демолирање на канцеларијата на претседателот, судир на демонстрантите и на полицијата и резултираа со повредени и со приведени лица.
Неколку илјади граѓани изминатите два дена протестираат на улиците поради одлуката на претседателот Ѓорге Иванов да ги сопре сите судски процеси против политичари и функционери.
