„Only Artists Left Alive“ е нова претстава во режија на Мартин Кочовски од независното театарско здружение „ШТРИХ“ чија премиера ќе се одржи во сабота (30 јули) во 20 часот во Народниот театар Битола.
„Претставата говори првенствено за моќта и способноста на актерот и сè она кое актерската уметност може да му го пружи на човештвото со поставување на прашањето „Дали научивме нешто од сево ова?“. Начинот на кој ова функционира е со склоп на повеќе сцени од разни автори и временски периоди кои говорат за многу повеќе од обичните и секојдневни човекови проблеми“, пишува во описот на најавата за премиерата.
Претставата е во сценарио на Стефан Миленков, а продуцент е Борис Василески.
Актерската екипа ја сочинуваат Томислав Давидовски, Ава Хусеини, Марјан Наумов, Јанка Лефкова, Здравко Стојмиров и Марија Стефановска.
Музиката е на подготвено Пеце Трајковски, сценографијата е на Филип Јовановски, а костимографијата на Марта Дојчиновска.
Претставата е ко-продукција на независното здружение „Штрих“, Народен театар Битола и Младински културен центар – Скопје.
