Околу 88.200 галони нафта (околу 334 тони) синоќа истекле од нафтоводот „Шел“ во Мексиканскиот Залив, соопшти на американската крајбрежна стража. Инцидентот се случил на 150 километри од брегот на американската сојузна држава Луизијана.
Од крајбрежната стража велат дека ситуацијата е под контрола и оти наскоро ќе бидат испратени екипи за прочистување. Истрагата на случајот е во тек.
Како што јавуваат американските медиуми, излевањето се случило од нафтовод, кој поврзува четири извори на нафта со платформата на „Шел“. Формирана е дамка, која е долга повеќе километри.
