Само еден ден пред новогодишната прослава, за која во Охрид на продолжен празничен викенд беа најавени илјадници гости, утрово градот осамна окован во снег и во студ, со температрура од -10 Целзиусови степени.
Улиците во најголемиот дел од градот се зачистени, некаде за една, некаде за две колони за движење на возила, но малку се очистени тротоарите, кои се лизгави и опасни за движење на пешаците.
Комуналците се на терен – со возила од неделата навечер, а со жива сила од вчера претпладне, но, сепак, поприлично задоцнија.
Градоначалникот на Охрид, Никола Бакрачески, ги повика сите вработени во локалната самоуправа да се вклучат во акцијата за чистење.
