Од 7 септември ќе почне снимањето на францускиот игран филм „А Фонд“ во режија на Никола Бенаму.
Продукциските куќи „Шик филмс“ заедно со режисерот на филмот, Никола Бенаму, ја одбраа Македонија како место за реализација на нивниот филмски проект.
На денешната прес-конференција по повод најавата на оваа, досега најголема странска инвестиција во областа на филмската дејност во Македонија, министерката за култура, Елизабета Канческа-Милевска, подвлече дека уште од утре почнуваат подготвителните активности за снимање.
Во снимањето на филмот ќе бидат вклучени повеќе од 100 професионалци од Франција и околу 400 филмски работници, статисти и придружни соработници од Македонија.