fbpx

Од 15 март брз воз меѓу Белград и Нови Сад, ќе се патува за 35 минути со максимална брзина од 200 км/ч

-

Брзата пруга Белград-Нови Сад и новите двокатни возови од производителот „Штадлер“ од 15 март ќе бидат пуштени во употреба во Србија. Возовите ќе сообраќаат со максимална брзина од 200 километри на час и ќе го минуваат растојанието меѓу Белград и Нови Сад за 35 минути. Цената на билетот ќе биде 1.500 српски динари, пишува белградскиот весник „Политика“.

Железничката делница што ќе биде отворена за сообраќај е дел од проектот за поврзување на Белград и Будимпешта со брза железница. Дополнителните делници од Нови Сад до Суботица и од српско-унгарската граница до Будимпешта уште се градат. Овие две делници треба да бидат завршени до првата половина од 2025 година.

Пуштањето во употреба на пругата Белград-Нови Сад беше првично предвидено за 2018 година, но во реалноста градежните работи на терен доцнеа повеќе од три години и роковите зададени на изведувачите од Кина и Русија не беа испочитувани. Српските власти се закануваа дека ако не биде готова пругата до крајот на 2021 година, руските и кинеските компании веќе никогаш нема да добијат проект за изградба во Србија, изјави лани српскиот министер за градежништво Томислав Момировиќ.

Инаку, Србија купи три двокатни воза од швајцарскиот производител на железнички превозни средства вредни над 62 милиони евра. Секој воз има по 300 седишта, опремени се со интернет и бар со пијалоци за патниците, пишува Јуроњуз. Дополнително, Србија ќе набави од „Штадлер“ уште 18 нови возови за регионален железнички сообраќај во вредност од 112 милиони евра.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Малолетници во притвор за планирање терористички напад во Германија

Четворица малолетници на возраст од 15 и 16 години завршија во истражен затвор поради сомнение дека планирале терористички напад. Тие, наводно, го подготвиле нападот „во согласност со целите и...