Актуелната состојба во обвинителствата, идната редовна комуникација, потребата од размена на искуства, заедничката определба и подготвеност за соработка со цел поефикасно гонење на сторителите на кривичните дела, биле точките за кои на својата прва средба денеска говореле Љубомир Јовески, Јавниот обвинител на Република Македонија и Катица Јанева, специјалната јавна обвинителка.
Како што соопштија обвинителствата, средбата се одржала вчера во Јавното обвинителство на Република Македонија.
Во дискусијата за актуелните реформи на правосудниот систем на Република Македонија и потребата во неа да се вклучат јавните обвинителства, посебно внимание било посветено на поставеноста и организацијата на обвинителствата.